IT Talk No.2

အိုင်တီစကားဝိုင်း အမှတ် ၂

ပထမ စကားဝိုင်းနှင့် ဒုတိယစကားဝိုင်းက နှစ်ပတ်ခြားသွားသည်။ ဒုတိယစကားဝိုင်းကို စပွန်ဆာပေးသူက Smart Computer မှ ကိုအောင်အောင် ဖြစ်သည်။ သူနှင့် မမျှော်လင့်ဘဲ စကားဝိုင်းလုပ်နေကြောင်း လက်ဘက်ရည်ဆိုင်တွင် ပြောလိုက်မိသည်။ သူက နောက်တစ်ကြိမ် သူစပွန်ဆာပေးမည်ဟု လိုလိုလားလား ပြောသည်။ ကျွန်တော်လည်း ၀မ်းသာအားရ PC မဂ္ဂဇင်းသို့ လှမ်းဆက်ရသည်။ သူကလည်း ဖိတ်စာတွေ စီစဉ်ရသည်။ ကျွန်တော်က အိုင်တီစကားဝိုင်းကို အေးချမ်းစွာနေရာချချင်သည်။ သို့ဖြစ်ရာ အမျိုးသားဝိုင်အမ်စီအေသို့ Green Book မှ ကိုမျိုးအောင်က ညွှန်းသဖြင့် ရောက်လာသည်။ သူတို့ကလည်း အခန်းတွေ စီစဉ်ပေးနိုင်သည်။ အကျွေးအမွေးတွေ စီစဉ်ပေးနိုင်သည်ဟု ပြောသည်။ ဤသို့ဖြင့် လူ ၂၀ စာလောက် အခန်းလေးတောင်းပြီး ပြန်ခဲ့ကြသည်။

ဒုတိယအကြိမ် အိုင်တီစကားဝိုင်းကို (၇.၁၂.၀၇) နေ့ နေ့လည် ၁ နာရီတွင် အမျိုးသားဝိုင်အမ်စီအေ အခန်း (၂၀၆) တွင် လုပ်ဖြစ်သွားသည်။ Smart Computer မှ နည်းပညာရှင် ကိုကျော်ရဲထွန်းက မားသားဘုတ်တွေ၊ Chipset တွေ၊ ဂရပ်ဖစ်ကတ်တွေအကြောင်းကို တိုးတက်လာသည့် ခေတ်နှင့်အညီ နည်းပညာတွေ ပြောင်းလဲလာပုံတို့ကို စိတ်ဝင်စားဖွယ်ကောင်းအောင် ရှင်းပြသွားသည်။ စာတွေ့ လက်တွေ့များ အပြင် မြင်ကွင်းကျယ်တီဗွီကြီးနှင့်ပါ သရုပ်ပြ ရှင်းသွားသည်။ ထိုနေ့က စာရေးဆရာ ဖိုးနိုင်ဝင်းလည်း ရောက်လာသဖြင့် စကား ၀ိုင်းက အတော်လေး မြိုင်သွားသည်။ နည်း ပညာနှင့် ပြောင်းလဲမှုများ၊ အဆိုးအကောင်း အကျိုးအကြောင်းတွေကို ဖိုးနိုင်ဝင်းကလည်း ထောက်သည်။ ကိုကျော်ရဲထွန်းကလည်း ရှင်းပြသည်။ ဤသို့ဖြင့် ကျွန်တော်တို့ ဒုတိယအကြိမ်စကားဝိုင်းက ပိုပြီး စိုပြည်လာသည်။


ထိုနေ့ကစကားဝိုင်းတွင် ကျွန်တော်တို့ အားလုံးတူညီစွာ ဆုံးဖြတ်လိုက်မိကြသည် က "အဆောင်အယောင်တွေ၊ ဂုဏ်တွေ၊ နာမည်တွေအားလုံး အဆောက်အအုံအပြင် တွင် ထားခဲ့ပါ" ဟူ၍ဖြစ်သည်။ ကျွန်တော်တို့ စကားဝိုင်းသည် လွတ်လပ်သည့်စကားဝိုင်း ဖြစ်သည်။ အိုင်တီလောကဘာလဲ၊ ဘယ်လဲ ကျွန်တော်တို့ ဆွေးနွေးကြမည်။ မသိသူက မှတ်မည်။ သိသူတွေကပြောမည်။ ရည်ရွယ်ချက်က ရိုးရိုးစင်းစင်းလေးဖြစ်သည်။ ကျွန်တော်တို့ ကိုယ့်တိုက်တွင် ဆရာကြီးတွေ ဖြစ်ကောင်းဖြစ်မည်။ ဤနေရာတွင်တော့ ဘာမှမဟုတ်ပါဟု ရိုးသားစွာခံယူပြီးမှ ပြောကြဆိုကြခြင်းဖြစ် သည်။ တကယ်လည်း ထိုနေ့က နားလည်သူတွေပြောတော့ ကျွန်တော်တို့ အတော်လေးနားဝင်အောင် လိုက်နားထောင်ရ သည်။ မရှင်းလင်းသည်ကို ပြန်ရှင်းခိုင်းရသည်။ ရှင်းသူတွေကလည်း စိတ်ကောင်းစေတနာဖြင့် ထပ်ကာ ထပ်ကာ ရှင်းပြကြသည်။ ဤသို့ဖြင့် အိုင်တီ စကားဝိုင်းအမှတ် ၂ လည်း အောင်မြင်စွာ ပြီးဆုံးသွားခဲ့ရပြန်သည်။
ကျွန်တော်တို့ စကားဝိုင်းအပြီး တိုက် ပြန်ရောက်တော့ ကျွန်တော့်ထံ တယ်လီဖုန်းသံတွေ ညံလာသည်။ သူ့ကို မဖိတ်လို့၊ ငါ့ကို မဖိတ်လို့တွေ ဖြစ်လာသည်။ ကျွန်တော်က အားလုံးကိုဖိတ်နိုင်ရန် ကြိုးစားသော်လည်း မေ့ကျန်သွား တာတွေ ရှိသည်။ မမေ့မလျော့ ဖိတ်ပြန်တော့လည်း မလာသူတွေက ရှိနေသည်။ အချို့တိုက်ကို ဖိတ်သော်လည်း နာမည်မတပ်သဖြင့် မသိဟု ဆိုလာကြသည်။ ဘာပြောပြော ကျွန်တော်တို့ အိုင်တီ စကားဝိုင်းလေးသည် လက်ရှိတော့ အမျိုးသား ၀ိုင်အမ်စီအေအဆောက်အအုံတွင် တစ်ပတ်ခြားကျင်းပရန် စီစဉ်ထားသည်။ မည်သည့် သတင်းသမားများ မဆို၊ အိုင်တီအကြောင်း စိတ်ဝင်စားသူတွေကိုမဆို ကျွန်တော်တို့က တံခါးဖွင့်ထားသည်။ အမြဲလက်ကမ်းကြိုနေမည် သာ ဖြစ်သည်။ တစ်ခုတော့ရှိသည် "ငါ ဘာမှမဟုတ်" ဆိုသည့် မူဖြင့် လာတက်ပြီး အကြံကောင်းများ မျှဝေကြရန်သာ ဖြစ်သည်။