အိုင်တီစကားဝိုင်း အမှတ် ၄
အိုင်တီစကားဝိုင်းအမှတ် (၄) ကို မလုပ်မီကတည်းက ပြဿနာအတော်လေးတက်ခဲ့ရသည်။ ၁၁-၁-၂၀၀၈ နေ့လောက် လုပ်မည်ဟုခန့်မှန်းခဲ့ပြီးမှ ထိုနေ့ ခန်းမကိုမပေးနိုင်သဖြင့် ၈-၁-၂၀၀၈ နေ့ကို ပြောင်းလိုက်ရသည်။ သို့ဖြင့် သတင်းပေး ပြီးခါမှ နောက်ကလိုက်ပြီး သတင်းပိတ်ရပြန်သည်။ နောက်တစ်ချက်က ဆရာဦးကျော်ညွန့်နှင့် ချိတ်ရပြန်သည်။ သူ ကလည်း အားတက်သရော ပြောမည့်အကြောင်းအရာတွေကို နောက်တစ်နေ့လာပို့ရှာသည်။ ဆော့ဖ်ဝဲ မူပိုင်ခွင့်နှင့် ပတ်သက်ပြီး သူပြောမည်ဟု ဆိုလာသည်။ မြန်မာနိုင်ငံ အိုင်တီလောကတွင် လိုအပ်ချက်တစ်ခုဖြစ်သည့်ပြင် လူငယ် တို့ သိထားသင့်သည့်ကိစ္စများဖြစ်နေသဖြင့် ကျွန်တော်တို့လက်ခံလိုက်သည်။ ရက်ကကပ်နေသဖြင့် ကိုဖိုးနိုင်ဝင်းကို လိုက်ချိတ်ရပြန်သည်။ သူ့ကို ကျွန်တော်တို့က ဟာ့ဒ်ဝဲ အကြောင်းနှင့်ပတ်သက်ပြီး တစ်ခုခုပြောစေ့ချင်သည်။ သူ့ကို လည်း ဘယ်မှာမှ လှမ်းချိတ်လို့မရ။မည်သို့ဆိုစေ ကျွန်တော်က ပြည့်စုံစာအုပ်တိုက်မှကျင်းပသည့် စာအုပ်ပရိုမိုးရှင်းပွဲတွင် ရက်ကပ်ပြီး သတင်းမီဒီယာ သမားများကို ဖိတ်စာဝေလိုက်သည်။ ကိုမျိုးအောင်ကလည်း (၈-၁-၂၀၀၈) နေ့တွင် အိုင်တီစကားဝိုင်းကျင်းပမည်။ ဦးကျော်ညွန့် "ဆော့ဖ်ဝဲမူပိုင်ခွင့်" နှင့် ပတ်သက်ပြီး ဟောပြောမည်ဟု ကြေညာပေးလိုက်နိုင်သည်။
အိုင်တီစကားဝိုင်း (၄) ကို Personal Computer မဂ္ဂဇင်းမှ စပွန်ဆာပေးသည်။ သူ့ကွန်ပျူတာမဂ္ဂဇင်းက နောက် ပိုင်းတွင် လူငယ်များကြား၌ ရေပန်းစားလာသည်။ လူငယ်တစ်ယောက်ကဦးစီးကာ လူငယ်တွေကြားသို့ လူငယ်နည်း လူငယ်ဟန်ဖြင့် ထိုးဖောက်နေခြင်းဖြစ်သည်။ အိုင်တီပညာနှင့် အိုင်တီလောကအကြောင်းကို လူငယ်တွေ ပိုမိုစိတ်ဝင်စား လာအောင် သူက ကြိုးစားအားထုတ်နေသူဖြစ်သည်။
စကားဝိုင်းမစမီ ထုံးစံအတိုင်း ဟောပြောသူက ဟောပြောမည်။ ဦးကျော်ညွန့်ကို ကျွန်တော်တို့ ဟောပြောချိန်နှင့် ဆွေးနွေးချိန် တစ်နာရီခွဲခန့်ဟု ကန့်သတ်ချက်မှတစ်ပါး အခြားဘာပြောပါ၊ ဘာဆွေးနွေးပါဟု ကန့်သတ်ချက်မရှိ။ တစ်ခုတော့ အသိပေးထားသည်။ ကျွန်တော်တို့အိုင်တီစကားဝိုင်းတွင် အိုင်တီနည်းပညာသက်သက်သာ ဆွေးနွေးရေး တွေ ပြောပြထားသည်။ ကျွန်တော်တို့က နည်းပညာသက်သက်ဖြင့် စကားဝိုင်းပေါင်းများစွာဆီသို့ ချီတက်ချင်သည်။
(၈-၁-၂၀၀၈) နေ့က နေ့လည် ၁ နာရီတွင် ပွဲစမည်ဟု စီစဉ်ထားသည်။ ထိုနေ့ပွဲကို ဆရာကြီးမောင်ဆုရှင် ကိုယ်တိုင် တက်ရောက်လာသဖြင့် ကျွန်တော် အတော်လေးအံ့အားသင့်သွားသည်။ စာပေလောက ဓူဝံကြယ်ကြီးဟု ဦးကျော်ညွန့်က ပြောသည်။ ကျွန်တော်ကတော့ လွန်ခဲ့သည့် နှစ်ပေါင်း ၂၀ လောက်ကတည်းက ဆရာကြီး၏အသံကို မြန်မာ့အသံတွင်နားထောင်းရင်း အားကျနေခဲ့ရသည်။ ဆရာကြီး ဘာသာပြန်ထားသည် အမျိုးသားစာပေဆုရ "ပင်လယ်ပြာနှင့် တံငါအို" စာအုပ်ကို ကျွန်တော် ဘယ်တော့မှမမေ့။ ဖတ်နေရသည်မှာလည်း အကြိမ်ကြိမ်မရိုးပေ။ ဆရာကြီးသည် ဟောရပြောရမှာနှင့်ပတ်သက်ပြီး အမြဲနုပျိုနေသလို။ ဆရာကြီးက အခမ်းအနားတွင် အဖွင့်အမှာစကား ပြောပေးသည်။ အကြောင်းအရာလေးတစ်ခုကို တန်ဆာဆင်ပြီး ပြောတတ်လွန်းသဖြင့် နားထဲစွဲကျန်ခဲ့သည်။ Uncivilized Nation ဆိုသည်ကို နားထဲကမထွက်။
ဒုတိယပိုင်းအဖြစ် ဆရာဦးကျော်ညွန့်က မူပိုင်ခွင့်နှင့်ပတ်သက်ပြီး ဟောပြောဆွေးနွေးသွားသည်။ သူက လူကြီးတစ်ယောက်၊ ဥပဒေသမားတစ်ယောက်ဆိုတော့ လူကြီးတစ်ယောက်နှင့် ဥပဒေသမားအမြင်ကို ပေါင်းစပ်ပြီးပြောသွားသည်။ ကျွန်တော်တို့က အသက်ရှူမ၀သဖြင့် ထွက်ပေါက်လေးများတွေ့မလားဟု ရှာနေသူများကို တံခါးလေး ဟပေးစေ့ချင်သည်။ သူကတော့ စိတ်ရင်းအတိုင်း၊ ဥပဒေအတိုင်း သက်ညှာခွင့်မပေး။ တစ်ချက်လွှတ်ဖြင့် ပိတ်ထားရမည်ဟု ပြောနေ သလိုဖြစ်နေသည်။ မွှမ်းကျပ်နေသူတစ်ယောက် တံခါးလေးဖွင့်မပေးတော့ဘူးလားဟု ထမေးသည်။ တကယ်တော့ သူကလည်း ဖွင့်ပေးနိုင်သူမဟုတ်။ ဤသို့ဖြင့် စကားဝိုင်းမစမီ အပြောဝိုင်းသည် မတင်မကျနှင့် နိဂုံးချုပ်သွားရသည်။
ကျွန်တော်တို့ ခေတ္တနားချိန်အတွက် ပြည့်စုံစာအုပ်တိုက်မှ ကိုမျိုးအောင်နှင့် မဧပရယ်တို့က ကော်ဖီနှင့် မုန့်များဖြင့် ဧည့်ခံသည်။ နောက်စကားဝိုင်းကို ပြန်စသည်။ လူထက်ဝက်ခန့် ပြန်သွားကြသည်။ စိတ်ဝင်စားသည့် လူငယ်တွေချည်း ကျန်ခဲ့သည်။ လူကြီးတွေ ပြန်ကုန်ကြသည်။ လူငယ်တွေအတွက် စကားဝိုင်းဖြစ်သဖြင့် လူငယ်တွေ ကျန်ခဲ့ဟန်တူသည်။ တကယ်တော့ လူကြီးတွေအတွက်လည်း နာထောင်သင့်သည့် စကားဝိုင်းဖြစ်ပါသည်။ လူငယ်တွေ၏ ရင်ထဲမှာ ဘာတွေ ရှိမှန်း မသိဘဲနှင့် ပေါင်းစပ်၍ရမည်မထင်။
ယခုအပတ်စကားဝိုင်းကို ကျွန်တော်တို့က ပုံစံတစ်မျိုးပြောင်းလိုက်သည်။ ပြောချင်ဆွေးနွေးချင်သည့်သူကို ကျွန်တော်တို့က သီးခြားအဆိုရှင်တစ်ဦးအနေဖြင့် ရှေ့ထွက်ပြီး မိုက်ခရိုဖုန်းဖြင့် ပြောစေသည်။ ကျွန်တော်တို့က သူတို့ ပြောဆိုဆွေးနွေးချက်တွေကို မှတ်တမ်းတင်ထားချင်သည်။ စာပြန်ရေးလျှင် ပြန်နားထောင်ချင်သည်။
ယခုအပတ်တွင် Blog အကြောင်းတွေ ပြောကြမည်ဟု ယခင်အပတ်ကတည်းက ကြိုပြောလိုက်သည်။ ကျွန်တော် တွေ့လိုက်ရသည်က ကိုညီလင်းဆက်နှင့် ကိုမောင်မောင်သန့်တို့ ဖြစ်သည်။ ကျန်သူတွေကို ကျွန်တော်သိပ်မရင်းနှီး။ Blog အကြောင်း ကိုမောင်မောင်သန့်က ထပြောသည်။ စိတ်ဝင်စားစရာကောင်းသည်။ နောက်တစ်ယောက်အနြေ့ဖင့် စကားပြောရန်ဝန်လေးသည့် ကိုညီလင်းဆက်ကို ဖိတ်ခေါ်ရသည်။ သူကလည်း အရေးကောင်းသလို အပြောပါကောင်းသည်။ သူတို့က Open Source ကိုသုံးဖို့ တိုက်တွန်းသလို၊ တရားဝင်ဆော့ဖ်ဝဲ တွေကို ၀ယ်ပြီးသုံးရန် တိုက်တွန်းသွားကြသည်။ အမြော်အမြင်ဖြင့် သူတို့ပြောသွားကြခြင်းဖြစ်သည်။
ကိုဖိုးနိုင်ဝင်းရောက်မလာသဖြင့် ထိုနေ့စကားဝိုင်းတွင် ဟာ့ဒ်ဝဲအကြောင်းတွေ သိပ်မပြောဖြစ်ကြ။ ညနေ ၄ နာရီခွဲ တွင် အိုင်တီစကားဝိုင်းကို ရပ်နားလိုက်သည်။
အိုင်တီစကားဝိုင်း အမှတ် ၄ နှင့် ပတ်သက်ပြီး နောက်တစ်နေ့တွင် ရိုက်ခတ်ချက်တွေပြန်လာသည်။ အသံတွေ ထွက်လာသည်။ မနက်စောစော မိတ်ဆွေတစ်ဦးက ဖုန်းဖြင့်အကြောင်းကြားလာသည်။ မနေ့က အိုင်တီစကားဝိုင်း အကြောင်း မြန်မာ့အလင်းသတင်းစာတွင် ပါလာသည်တဲ့။ နောက်ပြီးတော့ ဦးကျော်ညွန့် ဟောပြောသွားသည့် အချက်များနှင့်ပတ်သက်ပြီး သို့လောသို့လောအပြောတွေကို ကျွန်တော် ရင်ဆိုင်ဖြေရှင်းရသည်။
နောက်တစ်ချက်က အိုင်တီစကားဝိုင်းကို ပြည့်စုံစာအုပ်တိုက်က ကျင်းပတာလားဟု မေးလာကြပြန်သည်။ သူတို့ မေးလည်း မေးလောက်သည်။ မြို့တော်သတင်းထဲတွင် အိုင်တီစကားဝိုင်း ၄ ကို ပြည့်စုံစာအုပ်တိုက်မှ ကိုမျိုးအောင်က ကြီးမှူးကျင်းပသည်ဟု ပါလာသည်။ ကိုမျိုးအောင်က ထိုနေ့မှ ကျွန်တော်တို့ကို ကူညီသည့်အနေဖြင့် စကားဝိုင်းလာ မိတ်ဆွေများကို ကော်ဖီနှင့်မုန့်များ စပွန်ဆာလာပေးခြင်းဖြစ်သည်။ ကျွန်တော်က အိုင်တီစကားဝိုင်းတိုင်းကို ပါစင်နယ် ကွန်ပျူတာမဂ္ဂဇင်းက ကြီးမှူးကျင်းပပေးတာပါဟု ပြန်ရှင်းနေရသည်။
၂၀၀၈ ခုနှစ် ဇန်န၀ါရီလ ၁၇ ရက်နေ့ထုတ် ကမ္ဘာ့စီးပွားရေးဂျာနယ် အတွဲ ၃၊ အမှတ် ၃ တွင် WEJ ဘိုးဘိုးကြီး ဆိုသူက "ထင်ရာတွေးပြီး ထင်ရာရေးသည်" ဆိုသည့်ဆောင်းပါးဖြင့် အိုင်တီစကားဝိုင်းတွင် ဦးကျော်ညွန့် ဆွေးနွေးသွား သည့်အချက်များကို တစ်ချက်ချင်း ပြန်ထောက်ပြထားသည်။ မတူသောအမြင်များကို ကျွန်တော်တို့ လက်ခံကြရပါမည်။ ကျွန်တော်တို့ ဝေဖန်ရေးကို ကြောက်နေလို့မရပါ။ ဝေဖန်ပေးသူကိုပင် ကျေးဇူးတင်ရမှာဖြစ်သည်။ သို့ဖြင့် ကျွန်တော်က ထို ဆောင်းပါးကို ပါစင်နယ်ကွန်ပျူတာတွင် ပြန်ထည့်ပေးရန် အယ်ဒီတာချုပ်ကို တောင်းဆိုထားရသည်။ တစ်ဘက်က ဆောင်းပါရေးသူကိုလည်း လှမ်းပြီးခွင့်တောင်းသည်။ သူကလည်း ကြည်ဖြူစွာခွင့်ပြုထားသည်။ ထိုဂျာနယ်ကိုမဖတ်မိသူ တွေ ကျွန်တော်တို့ ပါစင်နယ်ကွန်ပျူတာမဂ္ဂဇင်းတွင် ဖတ်မိနိုင်စေရန်ဖြစ်ပါသည်။
ကျွန်တော်တို့သည် အိုင်တီစကားဝိုင်းတိုင်းသို့ ပညာရှင်များကိုဖိတ်ခေါ်ပြီး ဟောပြောခိုင်းမည်။ သူတို့ကို ဘာပြောပါဟု ကျွန်တော်တို့ကန့်သတ်၍မရ။ ပရိုဂရမ်မင်းအကြောင်း ပရိုဂရမ်မာကိုခေါ်ပြောခိုင်းမည်။ ဆော့ဖ်ဝဲအကြောင်း ဆော့ဖ်ဝဲရေးနေသူကို ပြောခိုင်းမည်။ ဟာ့ဒ်ဝဲအကြောင်း ဟာ့ဒ်ဝဲသမားတွေက ပြောကြစေရန် ကျွန်တော်တို့က စီစဉ်ပေး ခြင်းသာဖြစ်ပါသည်။ ရည်ရွယ်ချက်မှာ အိုင်တီနှင့်ပတ်သက်သည်များကို ပြည်သူတွေကြား၊ လူငယ်တွေအကြား တစ်နည်းတစ်လမ်းဖြင့် ပျံ့နှံ့သွားစေရန်သာ ဖြစ်သည်။ သူတို့ ပြောဆိုဆွေးနွေးချက်များကို မကျေနပ်လျှင် မကြိုက်လျှင် ထပ်မံဆွေးနွေးခွင့်နှင့် အချိန်တို့ကို ကျွန်တော်တို့အများကြီး ပေးထားသည်။ နောက်ပိုင်း အကျယ်စာဖြင့် ဆွေးနွေးလာ သည်ကိုလည်း အိုင်တီစကားဝိုင်းနှင့်ပတ်သက်သမျှ ကျွန်တော်တို့ လက်ခံကြရမှာ ဖြစ်သည်။ စိတ်ကောင်း စေတနာ ကောင်းဖြင့် အကြံပြုချက်မှန်သမျှ ကျွန်တော်တို့ ကြိုဆိုပါသည်။
အိုင်တီစကားဝိုင်းသည် အားလုံးကို လမ်းဖွင့်ပေးထားသည်။ ကိုယ်ပြောချင် ဆွေးနွေးချင်တာရှိလျှင် အခမ်းအနား စီစဉ်သူနှင့် ချက်ချင်းစီစဉ်ပြီး ချက်ချင်းထပြောလို့လည်းရသည်။ နောက်တစ်ပွဲမှာ ဘာပြောချင်ပါတယ်ဟု ကြိုပြီး လာပြောထားလို့လည်း ရသည်။ မည်သူ့ကိုမျှ ကန့်သတ်ထားတာမရှိ။ အားလုံးကို ကြိုဆိုနေမည်သာ ဖြစ်သည်။
ကျွန်တော်တို့ အိုင်တီစကားဝိုင်းကို တစ်လတစ်ကြိမ် ပုံမှန်လုပ်မည်ဟု သတ်မှတ်ထားကြသည်။ ဖေဖော်ဝါရီလ တွင် ပြည်ထောင်စုနေ့ (၁၂-၂-၂၀၀၈) တွင် "ယူနီကုတ်အကြောင်း" နှင့်ပတ်သက်ပြီး ပြောကြမည်။ မတ်လတွင် (၈-၃-၂၀၀၈) နေ့၌ စကားဝိုင်းထပ်လုပ်မည်။ သို့သော် ဆွေးနွေးမည့်အကြောင်းအရာကို မစီစဉ်ရသေး။ ဤကြားထဲမှ နယ်မှပရိသတ်များက အိုင်တီစကားဝိုင်းကို သူတို့နယ်တွင် လာရောက်ကျင်းပပေးရန် ကမ်းလှမ်းလာသည်။ ကျွန်တော် တို့ အတော်လေး ၀မ်းသာသွားသည်။ အိုင်တီပညာသည် ရန်ကုန်တွင် စုပုံနေရန် မဟုတ်ပါ။ မြို့ရွာအနှံ့ခရီးပေါက် သင့်သည် မဟုတ်ပါလား။ သို့ဖြင့် ဖိတ်ခေါ် သည့် ပရိတ်သတ်ကို မယုတ်မလွန် စကားပြန်ထားသည်။ ကျွန်တော်တို့ လိုက်လံစု စည်းကြရပြန်သည်။ နယ်ကိုလိုက်ပြီး ဟောပြောနိုင်ဖို့၊ နယ်ကိုလိုက်ပြီး မိမိတို့ Product များကို လိုက်လံပြသ ရှင်းလင်းနိုင်ဖို့။ အားလုံး စိတ်ဝင်စားကြသည်။ စီစဉ်ပေးမည့်သူအပေါ်တွင်သာ ခေါင်းကျလာတော့သည်။ ကျွန်တော်တို့ ဖြစ်အောင်လုပ်မည်။ နယ်မှပရိသတ်တွေကို ပညာသွားပေးကြမည်။ စိတ်ရင်းစေတနာရင်းဖြင့် ပွင့်လင်းစွာ ကူညီနိုင်မှု တွေကို မျှော်လင့်ရင်းဖြင့် အိုင်တီစကားဝိုင်းမှ ရလဒ်များကို မျှော်လင့်နေရပါလိမ့်မည်။
No comments:
Post a Comment