IT Talk No.3

အိုင်တီစကားဝိုင်း အမှတ် ၃

အိုင်တီစကားဝိုင်း အမှတ် (၃) ကို ကျွန်တော်တို့ အမျိုးသားဝိုင်အမ်စီအေခန်းမတွင် ဆက်လုပ်ဖြစ်သည်။ အမှတ် (၂) ပွဲ တွင် ကျွန်တော်တို့ အခန်းကျဉ်းကျဉ်းနှင့် လုပ်လိုက်ရသည်။ ယခုအမှတ် (၃) ပွဲကိုတော့ စပွန်ဆာပေးသူက အခန်းကျယ်ကျယ်နှင့် အဆိုပြုလာသည်။

စကားဝိုင်း (၃) ကို စပွန်ဆာပေးသူက Golden Power ကုမ္ပဏီမှဖြစ်သည်။ သူတို့ ကုမ္ပဏီက ASUS brand ကို အဓိကထားပြီး မြန်မာနိုင်ငံအတွင်း တင်သွင်းနေသည်။ သို့သော်ယခုစကားဝိုင်းတွင် သူတို့က Eee PC ကို ပွဲထုတ်ချင် သည်။ ဇန်န၀ါရီလအတွင်း နိုင်ငံတကာဈေးကွက်သို့ ထိုးဖောက်မည့် ကွန်ပျူတာအသေးစားလေးများကို မြန်မာနိုင်ငံနှင့် မိတ်ဆက်လိုသည်ဟု ပြောကာ ကျွန်တော်တို့အိုင်တီစကားဝိုင်းကို ကမကထပြုပေးသည်။

ထိုနေ့က (၂၁-၁၂-၂၀၀၇) ဖြစ် သည်။ နံနက် ၁၀ နာရီကတည်းက အခမ်းအနားစမည်ဖြစ်သဖြင့် ၉ နာရီ လောက်ကတည်းကလာပြီး ပြင်ဆင်နေကြသည်။ Golden Power မှ ၀န်ထမ်းများလည်း ရောက်လာကြပြီး သူတို့ ကြော်ငြာဘုတ်တွေကို နေရာအနှံ့လိုက်ချလိုက်သဖြင့် ပွဲကမြိုင်သွားသည်။ ၁၀ နာရီ ခွဲလောက်တွင် ကျွန်တော်တို့ အခမ်းအနား စလိုက်ကြသည်။

ပထမဦးဆုံး အီးပီစီကိုပွဲထုတ်သည်။ Golden Power မှ MD ကိုထွန်းထွန်းအောင်က ကိုယ်တိုင် အီးပီစီအကြောင်း ဟောပြောသွားသည်။ တစ်နာရီပင်မပြည့် သူ့ရှင်းပြချက်တွေ ပြီးသွားသည်။ သိလိုသူတွေက မေးမြန်းကြ၊ စူးစမ်းကြ သည်။ ပြီးတော့ ကျွန်တော်တို့ လက်ဘက်ရည်ဖြင့် ဧည့်ခံသည်။

ဒုတိယပိုင်းအဖြစ် အိုင်တီစကားဝိုင်းကို စတင်လိုက်သည်။ ထုံးစံအတိုင်းဝိုင်းထိုင်ပြီး ပြောကြသည်။ အကြောင်းအရာတွေက ဟိုရောက် သည်ရောက်။ ဦးတည်ချက်မဲ့နေသလိုဖြစ်ကာ ပြောချင်ရာပြောနေကြခြင်း ဖြစ်သည်။ ဗိုင်းရပ်စ်အကြောင်းတွေပါသည်။ မော်နီတာအကြောင်းတွေပါသည်။ ထိုစဉ် အီးပီစီကွန်ပျူတာလေးထဲသို့ မြန်မာ Font သွင်းလို့ရသွားပြီဟု ကျွန်တော့်နားသို့ တစ်ဦးက တိုးတိုးလေး လာကပ်ပြောသည်။ စကားဝိုင်းမစမီကတည်းက ကိုထွန်းထွန်းအောင်က သူ့အီးပီစီတွင် မြန်မာ Font မည်သို့သွင်းရမှန်းမသိ ဖြစ်နေသည်ဟုဆိုလာသည်။ ကျွန်တော်တို့က ကိုဆန္ဒအောင်လက်ထဲသို့ အီးပီစီတစ်လုံး ထည့်ပေးလိုက်သည်။ သူက ကျွန်တော်တို့စကားဝိုင်းကို စိတ်မ၀င်စားတော့။ လက်ထဲရလာသည့် ကွန်ပျူတာလေးကိုသာ စိတ်ဝင်စားကာ သဲသဲမဲမဲ ဇွဲနှင့်ဈာန်ဝင်နေသည်။ မကြာမီ ရပြီဟုဆိုလိုက် သည်။ အိုင်တီစကားဝိုင်း၏ ရလဒ်ဟုဆိုရမည်။ ပျော်သူတွေပျော်သွားကြသည်။ မရဘူး၊ မဖြစ်ဘူးဆိုသည်များကို ၀ိုင်းဝန်း ဖြေရှင်းပေးလိုက်သည့်သဘော ဖြစ်သည်။

ဤသို့ဖြင့် ၂ နာရီခန့်တွင် စကားဝိုင်းကို မနည်းဖြတ်ကာ ပွဲသိမ်းလိုက်ရသည်။ွGolden Power က လက်ဆောင်အိတ်လေးတွေ ဝေသည်။ အိတ် ၇၀ လောက် ယူလာခဲ့ရာ မလောက်ဟုသိရသည်။ သို့ဖြင့် စိတ်ဝင်စားသူ ၇၀ ကျော် တက်ရောက်လိမ့်မည်ဟု ခန့်မှန်းရသည်။ မည်သို့ဆိုစေ လူ ၂၀ ခန့်နှင့် စတင်ခဲ့ရသည့် စကားဝိုင်း သည် ၇၀ ကျော်ဖြစ်လာသဖြင့် အိုင်တီလောကကို စိတ်ဝင်စားသူတွေ တစ်စစဖြင့် တိုးတက်လာသည့်သဘော ဖြစ်သည်။ ကျွန်တော်တို့ဘက်ကလည်း ပိုပြီးသတင်းပေးနိုင်အောင်ကြိုးစားရလိမ့်မည်။ ဘယ်နေ့၊ ဘယ်အချိန်၊ ဘယ်နေရာမှာ ဘယ်သူတွေ ဆိုသည့် Message ကို များများဖြန့်နိုင်အောင် ကြိုးစားပြီး အိုင်တီစကားဝိုင်း၏ အတိုင်းအတာကို ကျွန်တော် အများကြီးမျှော်လင့်လိုက်ပါသည်။